赛事分析：勒哈弗尔半场和好路

今晚法乙煞科，三支球队勒哈弗尔、梅斯同波尔多，为咗两个升班资格奋斗，睇住形势各有投注策略，有兴趣嘅朋友可以整条过关玩吓添。

（周六凌晨2时45分开赛）

法国足球联赛改革，法甲下季会减少两队，今季法乙变咗两队升班，4队需要降班，冇咗升降班附加赛。勒哈弗尔现时以72分排榜首，梅斯同波尔多69分紧随其後，由於有3分优势，今场和波都可以攞到升班资格，事实上佢哋近况一般，最近3场都赢唔到，今场相信都唔会太急，佢哋近4场有3次开半场和，可以再追。

至於「2哥」梅斯主场迎战巴斯蒂亚，梅斯表现稳定，近24场联赛保持不败，实力有保证，而且除咗成绩好，主场更加值得留意，球队近10仗主场9次开2球或以下，由於佢哋得失球暂时压住波尔多，所以只要小胜亦可，不过，今场对手巴斯蒂亚现时排第4，同样实力强劲，强强对碰梅斯会分外小心，2.5球入球细有计。

最後睇埋波尔多主场斗尾5嘅罗德兹。波尔多想升班当然要抢分，但对手罗德兹亦同尾四嘅拉瓦勒同分，为护级一样会搏命。波尔多主场好攻得，但罗德兹近7战只系输过两场，有一定战斗力，两军都想全取3分下，必定会尽力抢攻，2.5球入球大系信心之选。